Отец Пимен: Не палете огнови, спалете не нас клада, ако така ви е полесно

Владиката Пимен на својот Фејсбук профил испрати порака до верниците по повод вчерашниот апел на Македонската православна црква-ОА да не се палат бадникарски огнови, а собраните дрва да се донираат на сиромашните семејства, особено наменета на оние кои жестотко се противеа на одлуката на црквата, обвинувајќи ги владиците дека ја нарушуваат долгогодишна традиција меѓу народот на овој ден.

Негативните коментари на социјалните мрежи беа изразени во големи напади на црквата и владиците, како на пример, да ги продадат колите во кои се возат, а не на народот да му забрануваат да се весели на маалските огнови.

Отец Пимен во негов стил на изразување им порача на верниците да не палат огнови, туку да ги спалат нив (мислејќи на претставниците на црквата) на клада, ако им е така полесно. Потоа постави неколку поенти до верниците, прашувајќи ги кои се свештениците и владиците да им кажуваат како да стават Бадник и што знаат претставниците на црквата што е исправна вера?!
На крајот во иронична форма ги праша зарем на толку џипови и скапи коли ќе ги слушаат владиците?!

Ова е оригиналниот статус на Владиката Пимен, кој е пропратен со фотографија од свештеник кој го палат врзан за дрво.

„Не палете огнови, нас спалете нè на клада чим ви е полесно. Кои сме ние да ви кажеме како да славите Бадник? Шо знаеме ние што е исправна вера? На толку џипови и скапи коли нас ќе не слушате?“

Р.З.

Поврзани написи:

Црковниот одбор од Илинден уценува: 100 евра или нема погреб Груевски покрена иницијатива за меѓународен орден за заслуги „Света Мајка Тереза“ Ватикан се извини за грешката со местото на раѓање на Мајка Тереза Игуменот на манастирот во Грција каде се чува черепот на Свети Климент гостин во Бигорски