Игуменот на манастирот во Грција каде се чува черепот на Свети Климент гостин во Бигорски

Бигорскиот манастир бил домаќин на Архимандритот Порфириј, игумен на манастирот во Бер, Грција, каде се чува черепот на Свети Климент Охридски. Станува збор за високо ценет гостин од Грчката православна црква, кој заедно со уште двајца монаси два дена престојувале во Бигорскиот манастир, каде и ноќевале.

Братството и сестринството на Бигорската обител организирале торжествен дочек со сите црковни почести за гостите.

-Изминативе два дена Света Бигорска Обител се удостои со голема радост поради посетата на нашиот долгогодишен пријател, отец и брат во Христа, Висoкопреподобниот Архимандрит г. Порфириj, игуменот на Скитот на Чесниот Претеча во Бер, Р. Грција. Игуменот Порфириj, кој допатува кај нас со уште двајца свои прекрасни браќа монаси и едно мирско духовно чедо, беше пречекан со торжествен манастирски свечен пречек од нашиот Старец, Архимандрит Партениј, и целото бигорско братство. Во таа прилика нашиот Старец му упати поздравно слово на ценетиот гостин од манастирот каде што се чува свештената глава на Св. Климент Охридски. Трогнат од љубовта на Старецот и нашето братство, Архимандритот Порфириј возврати со, исто така преполн со љубов и најискрени чувства одговор на поздравното слово. Нашите возљубени гости, кои преноќеваа во Манастирот, имаа доволно време да се запознаат со сите негови содржини, но и да присуствуваат на денешната богослужба, велат од монасите од Бигорски.

Прочитајте ги овде и поздравните слова на Архимандритот Партениј и Архимандритот Порфириј.

ГАЛЕРИЈА:

Поврзани написи:

Црковниот одбор од Илинден уценува: 100 евра или нема погреб Груевски покрена иницијатива за меѓународен орден за заслуги „Света Мајка Тереза“ Ватикан се извини за грешката со местото на раѓање на Мајка Тереза Аримандрит Порфириј (ГПЦ): Заедно со светата глава на Свети Климент да прославиме 1000 години од Бигорскиот манастир