Архиепископот Стефан на прва официјална посета во Ватикан?

Архиепископот Стефан ќе патува во прва официјална посета на Ватикан, на средба со Папата Франциски, дознава Религија.мк.

Средбата е закажана за 26 февруари во Ватикан, но засега нема детали кој друг од МПЦ-ОА ќе биде во придружба на Архиепископот Стефан.

Македонско-црковна делегација секоја година има средба со папата во Ватикан, но во рамки на државната делегација за чествувањето на Свети Кирил. Меѓу владиците кои биле на тие средби бил и Архиепископот Стефан, последен пат во 2019 година, но овој пат станува збор за прва официјална посета.

Изворите на Религија.мк посочуваат дека овој чин на Ватикан е оддавање почит и чест за МПЦ-ОА.

Сепак, засега нема детали кој е мотивот и причината за оваа средба, ниту пак  детали што ќе биде на дневен ред на разговори.

Поврзани написи:

Американската амбасада одвои 100.000 долари за реставрација на манастирот Вељуса Стобискиот епископ Давид одбележа 15 години архиерејски чин, присуствуваше владика од СПЦ Владиката Пимен црта фрески низ црквите на МПЦ-ОА во Европа Раковиќ: Томос од Вселенската патријаршија ќе значеше трајно губење на српските цркви во Македонија