35 години од устоличувањето на вселенскиот патријарх Вартоломеј беа повод за дводневен научен собир во Бруклин, Масачусетс, на кој беше разгледано неговото влијание врз современото православие, меѓуправославниот дијалог и односот на Црквата кон современите општествени прашања.
На собирот, одржан во Културниот центар „Малиотис“ во рамки на колеџот, учествувале православни архијереи, научници, професори и студенти, како и претставници на Архонтите на Вселенската патријаршија.
Темите опфатиле повеќе области во кои Вселенската патријаршија во изминатите децении настојуваше да го афирмира своето присуство – од меѓуправославните и екуменските односи, преку меѓурелигискиот дијалог, до прашањата поврзани со животната средина и современите општествени предизвици.
Посебно внимание било посветено и на прашањето за заштитата на животната средина, тема со која патријархот Вартоломеј со години е поврзуван во меѓународниот црковен и јавен простор.
На собирот свои излагања имале и претставници на Архонтите на Вселенската патријаршија – Том Пападеметриу, Џејмс Скедрос и Џејмс Сперос, регионален командант на Архонтите во Нова Англија.
Во рамки на дискусиите биле отворени и социјални прашања, меѓу кои трговијата со луѓе и заштитата на животната средина.
Настанот се одржа под покровителство на архиепископот на Америка Елпидофор.
