Почетна Вера ИВЗ Муслиманите го слават Курбан-бајрам
Муслиманите го слават Курбан-бајрам
0

Муслиманите го слават Курбан-бајрам

49
0

Верниците од муслиманска вероисповед денеска го слават Курбан-бајрам, ден познат како празник на жртвата, зашто се принесува жртва – курбан.
За празникот се испраќаат пораки полни со солидарност, изрази на морална помош и пораки за што поскоро поминување на мачните и тешки денови. Бајрамот е исто така повод за да се потсети на сиромашните, децата без родители и на осамените.
Тоа, според познавачите на исламот, е должност на секој муслиман за Бајрам.
Курбан-бајрам се одбележува 70 дена по првиот Бајрам во годината, Фитр-бајрам, а го одбележува денот кога е комплетиран Светиот куран.
Се одбележува со утринската молитва сабах-намаз, а потоа и со молитвата бајрам-намаз почнува неговата тридневна прослава, во која почитта кон Алах, муслиманите ја искажуваат со колење курбан.

Теолозите по исламски науки велат дека ова е еден од двата најголеми муслимански празници, кој трае седум дена и е таканаречен празник на жртвата затоа што тогаш се принесува жртва – курбан, обично овни и им се делат на сиромасите.
– Обичајот го изведуваат сите што имаат можност за тоа. Оние што принеле жртва потоа им раздаваат од месото на сиромашните, соседите и на роднините. На овој ден се крунисува аџилакот на аџиите што отишле да ѝ се поклонат на Светата Ќаба во Мека – објаснуваат теолозите.
За Курбан-бајрам се посетуваат роднините и пријателите и се упатуваат честитки и добри желби за секој намерник.
Денешниот ден е неработен ден за граѓаните од муслиманска вероисповед во Македонија.

Поглаварот на Исламската верска заедница, Шаќир Фетаху, им порача на верниците дека овој празник е празник на меѓусебна радост, зближување меѓу луѓето, грижа за сиромашните, подавање рака за помирување, насмевка едни со други, служење на другите, подготвеност за големо дело и свесност за триумф на доброто и вистината над злото.
– Имам посебна чест од името на Исламската верска заедница и од мое лично име до сите верници во земјата и нашите сонародници каде и да сѐ да им изразам срдечни честитки, молејќи се на Семоќниот Алах на овој благословен празник да ги прифати нашите курбани и нашите ибадети, да го зајакнеме мирот во светот, да го елиминираме злото меѓу луѓето, да издржиме разни предизвици и искушенија во животот, особено семејствата на жртвите на трагичната болест ковид-19 – порача поглаварот на ИВЗ.

/Радмила Заревска (Нова Македонија)

 

НАПИШИ КОМЕНТАР

Your email address will not be published. Required fields are marked *