Верниците на МПЦ од црквата во Краун Поинт во САД организираа донаторска акција
Управата при храмот „Свети Петар и Павле“ од Краун Поинт, Индијана во САД, заедно со македонските верници и старешината презвитер Георгиј Глигоров организираа донаторска акција и донираа душеци за спиење на ЈЗУ Психијатарската болница „Скопје“ во с. Бардовци.
Донацијата е организирана со благослов на Неговото блаженство, Архиепископот охридски и македонски г. г. Стефан и на Неговото високопреосвештенство, Митрополитот американско-канадски г. Методиј.
Донацијата била реализирана и предадена преку црковната општина „Свети Николај Мирликиски“ од општина Аеродром, од каде што досега во повеќе наврати беа донирани облека, прехранбени и хигиенски средства на споменатата установа.
Свештеникот Зоран Велковски и храмовиот ѓакон Кирил Фидански донацијата ја доставија до крајната цел.