Свештеникот на МПЦ-ОА во Лондон на сослужување со Руската задгранична црква и со Антиохиската патријаршија
Свештеникот на МПЦ-ОА од Европската епархија во Лондон, отец Виктор минатата недела имал две сослужувања со претставници на Руската задгранична црква , Цариградската Патријаршија и со Антиохиската патријаршија.
-На свештениците на катедралата: протоереите Виталиј Серапинас и Јарослав Гудименко, свештеникот Александар Груз, ѓаконите Андреј Борисас и Сергиј Баранов им се придружија и ректорот на Парохијата Архангел Михаил во Лондон, протоереј Виктор, единствениот свештеник на новоавтокефалната црква во македонска заедница во Велика Британија, да отслужи Божествена Литургија во неделата на Адамовото прогонство. По причестувањето во олтарот, заедно со владиката и месното свештенство, отец Виктор беше поканет на причестувањето на верниците, меѓу кои и парохијаните на Македонската православна црква, кои во оваа радосна прилика дојдоа во соборниот храм. На трпезата по богослужбата, епископот Иринеј изрази молитвено восхитување и благодарност за духовните подвизи на Неговата Светост Патријарх српски Порфириј, на чие застапништво, заедно со архиереите на Македонската православна црква, беше положен патот кон единството, а потоа следеше прогласување на автокефалноста на Охридската архиепископија, стои во објавата од Руската задгранична црква.
На 5 март 2023 година, во Недела на Православието, кога вообичаено сите помесни Цекви се собираат во една и сослужуваат, пак во Катедралниот Храм посветен на св Андреј кој се наоѓа во Кентиш во Лондон, Отец Виктор сослужувал на литургијата со која Чиноначалствувал Архепископот од Тијатира и Велика Британија од Цариградската Патријаршија Никита, во сослужение на Митрополит Силуан од Антиохиска Црква, Епископ Јаков, Архимандрит Леонидас Грузиска Црква, Прота-Ставрофор Александар Фостиропулос Цариградската Патријаршија, стои во објавата.
