Рускиот Паријарх му се заблагодари на владиката Агатангел
Претседателот на одделот за надоврешни комуникации на Руската Црква, Иларион Алфеев, во има не Рускиот патријарх Кири и Руската православна црква, му се заблагодарил на Повардарскиот митрополит Агатангел за преводот и издавањето на книгата посветена на руското царско семејство Романови „Љубовта е посилна од смртта“, на македонски јазик.
Алфеев испратил благодарница до Митроплитот Агатангел, во која го ословува како Негово Всокопреосвештенство, со полната титула Митрополит Повардарски.
Во продолжение текстот на телеграмата:
До Неговото Високопреосвештенство, Митрополитот Повардарски г. Агатангел!
Ваше Високопреосвештенство!
Со благослов на Неговата Светост, Патријархот Московски и на цела Русија, г. Кирил, Ви ја пренесувам благодарноста од Поглаварот на Руската Православна Црква за примерокот од книгата „Романови – Љубовта е посилна од смртта“, која Вие му ја подаривте на Неговата Светост, а исто така за топлите зборови од вас, кои беа напишани во дарствениот натпис.
Ви посакувам мир и крепко здравје во иднина.
Со љубов во Господа,
Претседател на Одделот за надворешни црковни врски на Московската Патријаршија,
Митрополит Волоколамски Иларион
Инаку оваа книга е издадена во октомври 2015 година, а преводот на оваа книга го направи свештеникот Борислав Бобевски.
