Руските државни власти почнаа да се мешаат и офиицјално во односите на правславните цркви.
Заменик претседателот на државната комисија за вера при министерството за правда на Русија, Роман Силантев во изјава за ИТЕР ТАС, отворено тврди дека Москва е таа која има легитимитет да организира Собор од сеправославен карактер, а не Вселенската патријаршија, обвинувајќи го Вартоломеј дека е неспособен да биде лидер на единството.
-Собор од таков тип треба да организира Руската православна црква. Константинопол се компромитира, тој можеше да направи отстапки, уште повеќе што таквите отстапки немаше да имаат глобален карактер – претензиите на Бугарската и другите цркви немаа збунувачки карактер. Константинопол не успеа да ја организира нормално манифестацијата, немаше големи проблеми, но оваа диктатура, овој притисок не предизвика радост кај останатите цркви. Константинопол е неспособен да биде лидер на консолидацијата, затоа следниот лидер на консолидација треба да биде Москва “, потенцирал државниот експерт од руското министерство за правда.
/РЕЛИГИЈА.МК