Претседателот Иванов го одликуваше Јован Таковски со „Медал за заслуги за Македонија“

Претседателот на Република Македонија, Ѓорге Иванов, во рамки на Свечената академија по повод 8 Декември – државниот празник поветен на свети Климент Охридски, го одликуваше Јован Таковски со „Медал за заслуги за Македонија“.

Согласно донесениот указ од претседателот Иванов, одликувањето на Таковски му се доделува за постигнатите исклучителни резултати во неговата долгогодишна научна, образовна и книжевна дејност во областа на богословските науки, со што даде значаен придонес за афирмација на Република Македонија во светот.

– Му благодарам на Бога, на неговата премудра промисла која ме раководеше во текот на целиот мој живот, како и на свети Климент кој, во еден значаен момент, ми даде знак дека го цени и благословува трудот што го вложувам во негова слава, рече Таковски по доделувањето на одликувањето.

/МИА

Поврзани написи:

Куполите на црквата “Св. Константин и Елена“ блеснаа во злато Поранешен амбасадор во Ватикан е нов декан на Богословски факултет Вандали удрија по црква во Рајчица Македонската државно-црковна делегација на прогласувањето на Мајка Тереза за Светица