Подадена рака за помош на своите парохијани

Свештеното братство при Црковната Општина „Св. Петар и Павле“ – Ѓ. Петров, ги проширува своите активности за оние на кои најмногу им е потребна помош. Свештеници од оваа црковна општина ги посетуваат нивните домови за укажување на духовна  и материјална помош.

-Целта е сите ние да се доживееме како едно духовно Христово семејство, како негова Црква во рамките на нашата Црковна Општина. Им благодариме на сите оние кои помогнаа и помагаат во собирањето на помошта, а особено овој пат благодарност до „ЕВН – Македонија“.
Доколку, браќа и сестри, и вам ви се допаѓа оваа активност, а и припаѓате на Црковната Општина „Св. Петар и Павле“ – Ѓ. Петров и сакате да се вклучите во истата или да донирате помош тогаш ве покануваме да стапите во контакт со о. Коста, вели Отец Ивица Тодоров.

Инаку црковната општина „Свети Петар и Павле“ во Ѓорче Петров покрај оваа нова активност, секојдневно се грижи за црковната кујна, во која секојдневно топол оброк имаат над 100 сиромашни граѓани.

Поврзани написи:

МПЦ формира солидарен фонд, црковната кујна во Ѓорче ќе готви и за настраданите во поплавите Заврши распитот на Владиката Петар во полицијата во Мелбурн, го обвинува Владиката Наум дека го мести Повардарската епархија се вклучи во подготовка на храна за настраданите во поплавите Владиката Петар распали од Австралија: Игуменот Гаврил утре ќе биде расчинет?