Во манастирот „Св. Атанасиј“ во Локвени, општина Кривогаштани, беше поставен камен темелник за изградба на нов конак.
Осветувањето на почетокот на градбата на конакот го изврши Митрополитот Преспанско-пелагониски Г. Петар, во присуство на голем број верници како и градоначалникот на општината, Тони Заткоски.
-Манастирот има доста атрактивна локација со прекрасен поглед на безмалку на цела Пелагонија и со неговата изградба се очекува голем број верници својот духовен мир да го пронајдат токму на ова место. Црквата се градеше околу 4 години, а според најавите се очекува конаците да бидат готови за околу 2 до 3 години, и да имаат капацитет да примат околу 30-тина посетители, истакна Тони Заткоски, градоначалник на Кривогаштани.
Инаку, во тек е и доуредување на внатрешноста на црквата. Инаку големиот број на посетители кои денеска биле во манастирот ја поздравиле оваа иницијатива и го очекуваат свеченото пуштање во употреба на новите конаци.
