Во услови на тешката ситуација на Блискиот Исток и страдањата на народите во регионот, патријархот Теодор од Александрија оствари телефонски разговори со патријархот Јован од Антиохија и патријархот Теофил од Ерусалим.
Во разговорите, Aлександрискиот патријарх ја изрази искрената поддршка на Црквата на апостол Марко и ја пренесе својата братска љубов кон двајцата поглавари. Тој нагласи дека Патријаршијаta на Александрија со голема загриженост ги следи настаните во регионот и постојано се моли за мир, стабилност и помирување меѓу народите на Блискиот Исток.
Беше истакнато дека врските меѓу древните патријаршии на регионот не се само историски и црковни, туку и длабоко братски и лични. Патријархот Теодор има долгогодишно духовно пријателство со патријархот Јован, кое датира уште од нивните студентски години на Универзитетот „Аристотел“ во Солун.
Воедно, патријархот Теодор изразува особена почит кон патријархот Теофил од Ерусалим, инспириран од своето длабоко почитување кон покојниот ерусалимски патријарх Бенедикт I (†1980).
Патријархот се потсети и на духовното раководство што го добил од својот старец, митрополитот Теодор Цедакис од Ретимно (†1996), кој кај него всадил силна љубов кон Светата земја и длабока почит кон Братството на Светиот Гроб.
Црквата на апостол Марко продолжува да се моли Бог на мирот да им дарува мудрост на водачите, заштита на невините и надеж на народите во регионот, за да надвладеат мирот и помирувањето.
