Паролин-Вељаноски: Македонија има голем придонес за ширење на Христијанството
Ватиканскиот Кардинал, Пјетро Паролин, кој е во дводневна официјална посета на Македонија, имаше и кратка неформална средба со Претседателот на Собранието, Трајко Вељаноски.
Официјална средба според протоколот немаше предвидено, но Паролин и Вељаноски неформално разговарале на осветувањето на новата Бискупска резиденција во Скопје, на кое присуствуваше и македонскиот претседател на Парламентот.
Според соопштението од кабинетот на Вељаноски, Кардиналот Паролин посебно го истакнал големиот придонес на Македонија и македонскиот народ во ширењето на Христијанството.
Исто така, Паролин изразил задоволство што оваа година во мај на Денот на македонските и сесловенски просветители, светите браќа Кирил и Методиј во Рим ќе има можност повторно да се сретнат и разговараат.