Денешните обилни врнежи од дожд предизвикаа големо свлечиште кај црквата „Св Константин и Елена“, информираат на Facebook профилот од црквата „Света Богородица“ во селото Скребатно.
– Патот до црквата „Св. Богородица“ е целосно блокиран, а моментално се работи на негово расчистување, информираат од селото, пишува охридпресс.
Апелираат до сите кои планираат да се движат кон селото Скребатно да бидат крајно внимателни, а доколку продолжат врнежите, додаваат дека не е исклучено да се појави уште некој одрон.
