Струмичкиот митрополит Наум и неговиот викарен епископ Јаков биле домаќини на Митрополитот на Дидимотихо, Орестиада и Суфли Дамаскин од Грчката православна црква.
Дамаскин отслужил Света Божествена Литургија, а му сослужувале Митрополитот Наум, Епископот Јаков.
На литургијата учествувале и архимандрит Вартоломеј од Митрополијата на Дидимотихо, протопрезвитер-ставрофор Владимир Вукашиновиќ од Српската Православна Црква и свештенството и монаштвото на Струмичката Православна Епархија во манастирот на Светите Петнаесет Тивериополски Свештеномаченици во Струмица.
