Архиепископот Перејаславски и Белоцерковски Андреј, претседател на Одделот за внатрешни работи наУкраинската православна црква – Киевска патријаршија, објави официјално соопштение во кое предупредува на сериозна криза по смртта на патријархот Филарет.
Во изјавата, архиепископот обвинува група архиереи за канонски бунт, узурпација на црковната власт и грубо прекршување на уставот на Црквата, како и на последната волја на покојниот предстојател
Според него, патријархот Филарет уште во 2025 година дал јасна насока веднаш по неговата смрт да се свика Светиот синод за избор на местобљустител, со цел Црквата да не остане без раководство. Иако синодот бил свикан навреме, архиепископот тврди дека дел од архиереите го блокирале неговото отворање и самоволно прогласиле архиерејски собор, со намера веднаш да изберат нов патријарх.
Во соопштението се наведува дека ваквите дејствија се спротивни на уставот, кој предвидува дека во периодот меѓу два патријарси Црквата се управува од Светиот синод под раководство на избран местобљустител, а изборот на нов патријарх го врши помесен собор.
Архиепископот Андреј истакнува дека од канонска гледна точка постапките на архиереите претставуваат бунт против црковниот поредок и повреда на правилата на вселенските собори, нагласувајќи дека без законски избран местобљустител не може да се носат одлуки за избор на нов предстојател.
Тој ја доведува во прашање легитимноста на архиепископот Никодим, кој според него бил самоволно прогласен за патријарх, и нагласува дека сите негови одлуки се неважечки и без канонска сила.
Во соопштението се наведуваат имињата на неколку архиереи кои, според архиепископот Андреј, стојат зад овие дејствија, обвинувајќи ги дека свесно ја игнорирале волјата на покојниот патријарх и го попречиле законското функционирање на Синодот.
На крајот, тој повикува на враќање кон канонскиот поредок, избор на местобљустител според уставните процедури, како и на единство и црковен мир.
