Злоупотребата на религијата и активностите на ИВЗ во спречување на екстремизам биел дел од темите на кои разговарале Поглаварот на ИВЗ, Сулемјан Реџепи и холандскиот амбасадор во Македонија, Вилем Воутер Пломп.
Средбата била во кабинетот на поглаварот на ИВЗ.
Покрај општите разговори за актуелната состојба во земјата, Реџепи и Амбасадорот Пломп посебен акцент од разговорот посветиле на посветеноста на ИВЗ во справувањето со екстремистичките и деструктивни движења што се одвиваат во име на религиите. Амбасадорот на Холандија и Поглаварот на ИВЗ заклучиле дека се потребни повеќе состаноци на кои ќе се разговара на оваа тема, соопштија од ИВЗ.
