Владиката Тимотеј и Архимандритот Партениј, в понеделник во Гари ќе одбележат голем јубилеј

Голем и значаен јубилеј ќе одбележи Дебарско-кичевската митрополија и Бигорскиот манастир в понеделник во селото Гари.

Митрополитот Тимотеј и Игуменот Партениј заедно со монасите од Бигорски ќе отслужат празнична архиерејска Литургија во чест на 150 годишнината од зографисувањето и осветувањето на храмот „Успение на Пресвета Богородица“ во селото Гари.

Храмот на Пресвета Богородица во селото Гари е изграден во 1860 година и бил зографисуван 6 години до 1866 година, кога и е осветен.

Прекрасниот живопис бил изработен од најпознатиот македонски зограф од 19 век, Дичо Зограф, и неговиот син Авраам Дичов.

Инаку, во селото Гари бил роден великанот на македонското копаничарство, Петре Филиповски – Гарката, кој заедно со својот брат Марко и нивната тајфа, го изработиле иконостасот и на храмот на Божјата Мајка во нивното родно село.

/РЕЛИГИЈА.МК

Поврзани написи:

СКАНДАЛ: Владиката Петар прекина литургија и избрка луѓе од црква ЕКСКЛУЗИВНО: Амфилохије ја повикува МПЦ на заедничка прослава за Свети Јован Владимир Отец Пимен: Баталете адети, учете! Патријархот Иринеј не доаѓа, но СПЦ сепак праќа владика во Македонија со Николиќ