Турскиот министер за култура и туризам Мехмет Нури Ерсој објави провокативна порака на социјалните мрежи по повод шестгодишнината од повторното отворање на Света Софија за исламска богослужба како џамија.
Поточно, Ерсој истакна дека се одбележува уште една годишнина од, како што наведе, „историскиот ден“, кога со потпис на турскиот претседател Реџеп Таип Ердоган, Света Софија повторно била отворена за богослужба.
„Во Света Софија – симболот на освојувањето и единственото наследство на султанот Мехмед Освојувачот – со најголема грижа ги спроведуваме најобемните реставраторски работи во историјата на Република Турција“, напиша Ерсој, меѓу другото.
