Потребно е да се молиме за претседателот, државата и војниците, за да се зачува Русија од надворешните и внатрешните непријатели и да се сочува православната вера, изјави московскиот патријарх Кирил во Спасо-Преображенскиот собор на Валаамскиот манастир, пренесува РИА Новости.
„Ги повикувам сите вас, мои драги, а пред сè братството (на Валаамскиот манастир – заб. ред.), непрестајно да се молите и за нашиот претседател, православниот човек Владимир Владимирович Путин, за властите, за војската и за нашата татковина, Господ да ја сочува Русија и од надворешните и од внатрешните непријатели, за ништо и никогаш повеќе да не ја поколеба нашата решеност да ја зачуваме православната вера, да градиме храмови и манастири и да ја зацврстуваме побожноста во нашиот народ“, рече патријархот Кирил.
