Денот на Воскресението е, да се радуваме во торжеството на празникот и да се прегрнеме еден со друг. На оние кои нè мразат да им речеме: браќа! И да простиме сé заради воскресението, како што стои во пасхалната стихира, пишува директорот на Комисијата за односи со верските заедници и религиозни групи, Даријан Сотировски во честитката испратена до Поглаварот на МПЦ-ОА, Аргиепископот г.г. Стефан за претстојниот празник Велигден.
-Овие зборови на дело да ги покажуваме целата година која е пред нас, затоа што денес не се потсетуваме и не си спомнуваме само за историски настан, туку за вечната вистина. Само така воскресението ќе го почувствуваме внатре во нас самите, а истото ќе го почувствува и нашата татковина. Секој од нас е способен за повеќе, за подобро за вистинска човечност која на дело треба да се покажува постојано, стои во честитката.
За најголемиот христијански празник Воскресение – Христово Велигден, Директорот на КОВЗРГ Сотировски, упати честитка и до Претседателот на црковното претставништво на Евангелско-Методистичката црква во Република Македонија, Емил Заев, како и на сите верници на Евангелско – методистичка цркава во Република Македонија.
