Со рогови на возачка дозвола

Паганскиот свештеник Фелан Мунсонг од американската сојузна држава Мејн, инсистирал да добие возачка дозвола со фотографија на која носи дел од својата верска опрема. А во прашање се рогови!

Тој во јуни го променил своето име, а потоа поднел барање на документите да биде ставена неговата фотографија со „верски коректен“ изглед.

При првиот обид тој бил одбиен како несериозен, но со оглед на тоа дека тамошните закони толерираат многубројни верски слободи, неговото крајно невообичаено барање на крајот е одобрено.

Згора на тоа, администрацијата констатирала дека роговите не го покриваат лицето и со тоа може да бидат дел од фотографијата.