Сестрите од Рајчица изготвија рачно изработени божикни пештери
Неуморните монахињи од Манастирот Свети Ѓорги Победоносец во Рајчица подготвиле рачно изработени божиќни пештери, кои во пресрет на еден од најголемите христијански празници, Раѓањето Христово, секое христијанско семејство би требало д аги има во својот дом.
Станува збор за рачно изработени пештери(симболика за местото каде е роден Христос) кои се направени од различни прикладни материјали, уникатно украсени и збогатени со иконата на Рождеството Христово. Со нив има и кандилце и тие претставуваат прекрасно надополнување на Божикното дрвце, во духот на православна традиција.
Украсите се изработени со благослов на архимандрит Партениј, а поттикнати од желбата божикната атмосфера да биде внесена во православните домови.
– Божик е време кога треба да се потсетиме на најголемиот дар на Бога за целото човештво, најголемиот израз на Неговата љубов – раѓањето Негово од Дева, заради спасението на светот. Затоа сѐ на Божик треба да потсетува на тој спасителен за нас миг. Тогаш и домовите наши треба да го носат ликот на Витлеемската пештера, за со својот празничен амбиент да ја раскажуваат таа чудесна Божикна приказна за Божественото Дете, Кое дојде кај нас и ни ги донесе мирот, радоста, љубовта, велат од Бигорската Обител
Повеќе детали за украсите и каде можат да се набават, прочитајте ОВДЕ.