Митрополитите Пимен и Георгиј, заедно со архимандритот Гаврил од Австралсико-сиднејската епархија, отслужија литургија во Пјаченца, Италија.
Сослужувањето е во чест на партониот празник, Свети Прохор Пчински, на оваа црковна општина на МПЦ-ОА.
На литургијата присуствуваше и генералниот конзул на Македонија во Италија Фросина Ременски, вице градоначалникот на општина Пјаченца и бројни гости од соседните црковни општини од Италија.
Претходната вечер во навечерието на патрониот празник вечерна богослужба отслужил надлежниот митрополит Пимен, а молитвено присуствувал митрополитот Дебарско-кичевски Георгиј.
-Во продолжение на богослужбата, беше отслужен и заеднички парастос во очи на ноемвиската Задушница, на кој сите заедно се помоливме за покој на душите и наследување на Царството Небесно за нашите починати оци, мајки, браќа и сестри. Со оваа молитвена и духовна подготовка, верниот народ со радост и благодарност го дочека патрониот празник на својата света заедница, изразувајќи љубов, вера и заедништво во Христа, велат од Епархијата.
