Српскиот патријарх Порфириј на 3 јули во Патријаршискиот двор во Белград оствари средба со пасторот д-р Марк Бернс, советник за духовни прашања на претседателот на Соединетите Американски Држави, Доналд Трамп.
На средбата присуствуваа и членовите на Светиот архијерејски синод на Српската Православна Црква – митрополитот бачки Иринеј и митрополитот шумадиски Јован. Според соопштението на Српската Православна Црква, разговорот се одвивал во духот на меѓусебното разбирање, при што било разговарано за можностите за продлабочување на соработката меѓу Србија и Соединетите Американски Држави, како две земји со христијанско наследство, како и за прашања од заеднички интерес.
Во текот на престојот во Србија, пасторот Бернс ќе посети повеќе светилишта на Српската Православна Црква, меѓу кои манастири и храмови што претставуваат значајни духовни и културно-историски центри.
На приемот присуствуваа и викарниот епископ новобрдски Иларион, претставници на администрацијата на американскиот претседател Доналд Трамп, претставници на бизнис-заедницата, како и соработници од кабинетот на српскиот патријарх и на пасторот Бернс.
