32
0
Вески календар: 19 јануари
КАТОЛИЧКА ЦРКВА/ Св. Германик.
Тој го поднел мачништвото во Смирна во 155 година по Христос. Од него се барало да се одрекне од верувањето во Христос, а кога не се согласил почнале да го мачат. Толку го мачеле, што гледачите во арената се згрозиле и плачеле од ужас, додека Германик и неговите другари останале мирни и покрај големите болки. Со тоа покажале дека Христос е со нив. Во тие часови размислувале само за вечниот живот и вечната радост, презирајќи ги сите земски маки и по еден час мачење, се спасиле од вечната казна. Тоа што ги зачудило прогонителите и мачителите на христијаните е дека и во последните часови од животот во тие маки, им простувале на своите непријатели.