Митрополитот Јосиф на средба со Албанскиот Архиепископ Анастасиј

Кумановско-осоговскиот Митрополит г. Јосиф, вчера бил во посета на Албанија и имал средба со Албанскиот Архиепископ Анастасиј.

Веста за средбата во Тирана, ја објави Кумановско-осоговската епархија документирана со фотографии. Сепак, кои биле темите на разговор, епархијата не соопштува детали.

Покрај средбата со Архиепископот на Албанската православна црква Анастасиј, која била во архиепископската резиденција во Тирана, Митрополитот г. Јосиф бил во псоета и на Духовната академија „Воскресение Христово“ во манастирот на свети Власиј во Драч.

Таму исто така бил пречекан од Епископот на Билис г. Асти, викар на Албанскиот Aрхиепископ.

Инаку со благослов на архиепископот г. Анастасиј, во академијата студира дипломираниот богослов Теофил Гроздановски, како прв студент од Македонија.

Поврзани написи:

МПЦ формира солидарен фонд, црковната кујна во Ѓорче ќе готви и за настраданите во поплавите Заврши распитот на Владиката Петар во полицијата во Мелбурн, го обвинува Владиката Наум дека го мести Повардарската епархија се вклучи во подготовка на храна за настраданите во поплавите Владиката Петар распали од Австралија: Игуменот Гаврил утре ќе биде расчинет?