Македонското друштво „Илинден“ со седиште во Тирана и разгранокот за Голо Брдо, упатија честитка по повод големиот муслимански празник Курбан Бајрам.
– До сите Македонци од исламска религија, каде и да живеат, како и до сите верници од исламска религија во Албанија и во целиот свет упатуваме срдечни честитки по повод големот празник Курбан Бајрам. На сите ним им посакуваме среќата да им биде вечен придружник, верата закон, богатството симбол, а болката непознато чувство. Посакуваме мир, спокојство и благосостојба во нивните семејства, се наведува во честитката.
На сите верници, како што стои во честитката, отпишана од претседателот на друштвото Никола Ѓурѓај и на разгранокот Или Халилај, им поскакуваат како светост да ја чуваат и негуваат традицијата на верска хармонија и меѓуетничко почитување и разбирање.
