Македонците во Австралија бараат расчинување на Владиката Петар

Здружението на македонски заедници во Австралија застана во одбрана на Игуменот Гаврил, кој вчера беше расчинет од епарсхискиот-црковен суд на Владиката Петар. Претседателот на Здружението, Игор Аврамовски Александров бара Синодот на МПЦ да покрене одговорност за расчинување на Владиката Петар.

-Овој недостоен владика и екстремно злобен, нечесен, измамнички мегаломан, Јован Каревски, наречен владика Петар, кој во времето на Архиепископот Гаврил е расчинет, за со уценувачки и заканувачки протести во Битола, предводени од Зоран Вранишковски како негов најверен гласноговорник, сепак да продолжи да дејствува како владика, ја срами поткопува МПЦ веќе четири децении. Од Битола до Западна Европа до Австралија до Нов Зеланд го следат само скандали околу приграбување и злоупотреба на пари и имоти, измамнички дела, непристојни испади …, против кои бунтуваат чесни верници и свештеници, па тој им одговара со уцени, закани, анатеми, клетви, отровни клевети, неканонски и измамнички екскомуникации на илјадници верници и расчинувања на десетици свештеници, како и насилства спроведени од страна на уличарско-криминалните ‘војници’ со кои тој вообичаено се заобиколува. Повеќе од половина владиците и архиепископите на МПЦ досега ги прогласил за неканонски и невалидни, како што и за самата МПЦ тврдеше дека е неканонски осамостоена и дека мора да влезе под СПЦ за да стане канонска, вели Игор Аврамовски Александров.

-Негово дело беше и завладичувањето на неговиот долгогодишен Епархиски Библиотекар Зоран Вранишковски (Јован), со кој подоцна се скараа само затоа што Петар не се придржа на антимакедонската Нишка Спогодба со Српската црква, која заедно ја кроеја со години, па така и Вранишковски заклучи дека Каревски е неподносливо нечесен среброљубец. Меѓу другото, кај и да добие владичка јуриздикција се случуваат и запалени и опљачкани храмови, за што тој тврди дека е Божја казна, освен кога неодамна се случи пожар во храм кој тој го изнајмуваше од протестантска Црква, за кој допрва ќе дознаеме дали му бил казна или награда, потенцира Аврамовски Александров.

Тој смета дека ако Синодот не го расчини решително пред тој да се пензионира, „неговата валкана и злосторничка биографија ќе остане како сенка врз карактерот на сите владици на МПЦ од неговото време кои го толерирале, штителе или соработувале со него“, вели Игор А. Александров, Претседател на Здружението на македонски заедници во Австралија.

Инаку, Игуменот Гаврил не е дел од надлежноста на Владиката Петар, туку во состав на Епархијата со која раководи Владиката Тимотеј. Отец Гаврил со одлука на Владиката Тимотеј служи во црквата Света Петка во Рокдаил, откако по 18 години поминати по судови и потрошени милиони долари, Синдоот на МПЦ му ја одзеде оваа црква на Владиката Петар и ја стави под јуриздикција на Владиката Тимотеј..

Одлуката за расчинување на Гаврил сега ќе треба д аја разгледува Архиепископскиот црковен суд.

Поврзани написи:

ДНЕВНИК: Нови ветрови од СПЦ? Амфилохие го нарекува Стефан „Блажењејши Архиепископ Охридски и Македонски“ ПИМЕН: Македонија е земја на многу светители Мизерен однос на Амфилохије, не го ниту пречека Владиката Тимотеј со моштите од Свети Јован Владимир Бугарскиот патријарх ги благословил македонските поклониц кои викенодов беа во посета на Бугарија