Голема донаторска конференција за летниот камп по веронаука на Бигорскиот манастир
Голема донаторска конференција за доизградба на првиот летен камп за Веронаука, организира Здружението за негување на православни вредности в недела во Хотелот „Континентал“ во Скопје.
Влезницата за добротворната манифестација е 600 денари кои директно се наменети за детскиот летен камп „Свв. Кирил и Методиј“, сместен во падините на планината Крчин и со тоа станувате дел од градителите на овој духовно-верски објект.
Покрај влезницата како извор на донирање, организацијата предвидува и лицитација на трпеза на љубовта од вештите жени и продажба на многубројни производи и рачни ракотворби, се со цел да се соберат што повеќе средства, велат од Манастирската обидетл на Бигорски.
-Веронауката е една силна потреба за правилен развој на личноста и таа претставува темел на образованието. Христијанството е учење коешто во душите на младите луѓе внесува радост, мир, љубов, надеж и светлина. Доколку тоа се начелата по кои што се раководи човечкиот живот, овој свет би бил едно навистина прекрасно место, една вистинска оаза на радоста и љубовта. Токму затоа сите ние и Црквата како духовен воспитувач и државните институции, особено оние кои што го организираат и реализираат образовниот процес, имаме света должност да им го направиме на младите достапно ова учење, вели Архимандритот Партениј, Игумен на Бигорската Обител.
За добротворната манифестација е предвидена и програма со трибина, но и музички дел.
Билетите можете да се набавите на тел: 071 273 116 и 070 264 992, и на влезот од хотел Континентал, на самиот ден на настанот.