ЕКСКЛУЗИВНО: Премиерот Заев побара признавање на МПЦ од Вселенската Патријаршија, Вселенскиот патријарх позитивно одговори
Премиерот Зоран Заев со писмо побарал од Вселенската Патријаршија признавање на автокефалноста на Македонската Православна Црква – Охридска Архиепископија, како рамноправна црква во Православниот свет.
Вселенската патријаршија на денешната седница позитивно одговорила на барањето на Премиерот Заев, наведувајќи дека презема одговорност за прашањето на Охридската Архиепископија.
Светиот и Свештен Синод на Вселенската Патријаршија во Константинопол го разгледа прашањето со нерешениот канонски статус на Охридската Архиепископија. Патријаршијата го прими и писмото на Премиерот на државата г. Зоран Заев, во кое се бара помош и поткрепа за решавање на прашањето помесната православна Црква во ПЈРМ.
Светиот и Свештен Синод на Вселенската Патријаршија одлучи да се заземе за ова и да ги преземе потребните чекори, според неприкосновените права на историските и канонски надлежности и привилегии на првопрестолната Вселенска Патријаршија, стои во соопштението од Вселенската Патријаршија.
Писмото било испратено пред едсен месец.