Професорот по уставно право на Правниот факултет Јустинијан Први, Александар Спасеновски учествува на светски реномираната конференција во Солун. Од 29 септември до 1 октомври, се одржува Втората меѓународна академска конференција по повод 100 години од издавањето на реномираниот магазин Theologia, во организација на Светиот Синод на Црквата на Грција и Aristotle University of Thessaloniki.
На воведниот, прв панел на конференцијата, проф. д-р Александар Спасеновски зборуваше на панелот „The Shared Historical and Cultural Experience of the Balkan Countries and the Contemporary Technological Challenges“, заедно со колеги професори од повеќе балкански држави.
Меѓу учесниците беше и сестра Ефимија, магистер од областа на уставното право и докторанд на студиската програма „Политички систем“ на Правниот факултет и отец Бобан Митевски, докторанд на Филозофскиот факултет во Скопје.
На овој настан, присуствше и Вселенскиот Патријарх Вартоломеј, како и поглаварите на Грчката и на Бугарската црква.
