Верски календар: 19 февруари
КАТОЛИЧКА ЦРКВА/ Св. Конрад.
Бил роден во 1290 година во Пјаченца. Кога имал 23 години се занимавал со лов. Еднаш кога бил на лов, палејќи оган предизвикал пожар во едно село. За пожарот бил осуден еден човек кој бил случаен минувач во селото. Тогаш проработила свеста на Конрад и тој им се јавил на властите обврзувајќи се дека ќе ја надокнади штетата. Го извршил ветувањето и станал многу сиромашен. По несреќата неговата жена, Еуфрозина влегла во фрањевачкиот манастир во Пјаченца, а тој отишол на југот на Сицилија и живеел покорен живот. Несреќата со пожарот била повод Конрад да започне да живее според Божјите заповеди. Умрел во 1351 година.
