-Може Косово да биде земено, да биде окупирано како што е денеска, но Србија никогаш не може да каже дека го подаруваме, бидејќи тоа што го подаруваш, засекогаш е изгубено, а она што со сила е земено, на ист начин и се враќа, изјави српскиот патријарх во интервју за телевизијата Храм.
Тој изрази надеж дека така размислува и државниот врв.
-Колку што гледам државата прави напори Косово да го зачува во рамките на Србија и да се најде политичко решение кое ќе биде на задоволство и на едните и на другите. Ние не можеме никогаш да ја замислиме Србија без Косово, рече српскиот патријарх.
