Најмалку 31 аџија починаа синоќа, на аџилак во Саудиска Арабија, пренесува Anadolu Agency (AA).
Саудиската новинска агенција (SPA) јавува дека сите починати аџии се странски државјани и досега не се објавени причините за нивната смрт.
Аџилакот е една од основните верски обврски на муслиманите и оваа година во Мека и Медина се очекува да пристигнат повеќе од два милиона аџии. „SPA“ јавува дека досега во Саудиска Арабија пристигнале најмалку 620.000 аџии.
