Делегација на Исламската верска заедница предводена од поглаварот, рејсот Сулејман Реџепи била на средба со претседателот на Собранието, Талат Џафери.
Со поглаварот Реџепи во делегацијата на ИВЗ биле и генералниот секретар на ИВЗ, Ирсал Јакупи, како и муфтиите од Тетово, Ќани Несими и од Гостивар, Шаќир фетаху.
Делегацијата на ИВЗ и Претседателот на парламентот, како што соопштува ИВЗ, разговарале за состојбата на муслиманите во Македонија. Поглаварот Реџепи му го честитал изборот на Џафери за прв човек на Парламентот, а Џафери пак се заблагодарил за тесната соработка со ИВЗ.
Реџепи и Џафери заклучиле дека почестите вакви средби можат да значат поефикасност во функционирањето на меѓусебните релации.
