Бугарската Православна Црква е една, како и речиси сите денешни автокефални цркви, која својата независност ја стекнала по пат на раскол. Цели 75 години, Трновската Патријаршија, денешната БПЦ била надвор од вселенската екумена.
Расколот настанал во 1870 година, кога со Ферман на Султанот во Цариград е создадена Бугарската Егзархија, а за нејзин Митрополит е избран Антим Први. Седиштето на Егзархијата е во Цариград.
Цариградската Патријаршија во 1872 година ја екскомуницирала Егзархијата. Тој раскол трае се до 1945 година, кога е потпишан документ за меѓусебно сосолужување. Бугарските владици ја прифатиле грешката, а Вселенскиот Патријарх едноставно издал томос за автокефалноста на БПЦ.
