Масовно сеноќно бдение за Голема Богородица синоќа се одржа во Бигорскиот манастир. Монасите и монахињите од Бигорската Обител празникот го прославија со огромено број верници кои од цела Македонија присуствуваа на овој величествен и торжествен настан.
-Упението на Богородица е празник на радоста, празник на бесмртноста. Спасението што му беше подарено на светот, се изврши во содејство на Пречистата Дева Марија. „Сказанијата и загатките на Пророците“, за нас, Христијаните, не се повеќе енигма, туку дофатливи тајни на нашата вера, што ни ги откри вечнодевствената Девојка. Затоа целото создание, видливо и невидливо, словесно и бесловесно, денес се радува, зашто смртта стана живот, победена од Изворот на животот. Па, како што Пресвета Богородица стана одухотворена палата на Синот и Словото Божјо; како што стана лествица што нè возведува на небото, така и Нејзината смрт постана за нас „премин кон бесмртноста“, велат монасите од Бигорски.
Погледнете ја галеријата: