Делчевско-каменичкиот епископ Марко служел бдение во манастирот Св. Прохор Пчински. Настанот бил по повод именденот на Врањскиот митрополит Пахомије.
По бдението Марко сослужувал со Пахомије, кој ја служел литургијата.
-Во манастирот на Преподобен Прохор Пчински, во средата вечерта на 27 мај 2026 година со почеток во 22:00 часот, Неговото Преосвештенство Епископот Делчевско-каменички г. Марко служеше бдение по повод празникот на Преподобен Пахомиј Велики, кој е именден на Неговото Високопреосвештенство Митрополитот врањски г. Пахомиј. Во продолжение на бдението се служеше и Света Архиерејска Литургија со која чиноначалствуваше Неговото Преосвештенство Епископот Делчевско-каменички г. Марко, во сослужение со Неговото Високопреосвештенство Митрополитот врањски г. Пахомиј, стои во соопштението на епархијата.
