Состојбата на христијаните на Блискиот Исток и односите меѓу православните цркви биле во фокусот на средбата меѓу антиохискиот патријарх Јован X и митрополитот Антониј Волоколамски, претседател на Одделот за надворешни црковни односи на Московската патријаршија.
Средбата се одржала на 30 октомври во Патријаршискиот манастир „Успение на Пресвета Богородица“ во Баламанд, Либан.
Според соопштението на Московската патријаршија, разговорот поминал во срдечна атмосфера, а покрај митрополитот Антониј, на средбата присуствувал и протоерејот Николај Балашов, советник на московскиот патријарх Кирил.
Во соопштението не се наведени повеќе детали за конкретните прашања што биле разгледувани.
