Бугарскиот патријарх излезе од болница

Бугарскиот патријарх Неофит е пуштен од болничко лекување и е во неговиот дом во Софиската митрополија, соопшити Синодот на БПЦ.

-Светиот патријарх е во добра здравствена состојба и се заблагодарува за вниманието, грижата и молитвите. Со татковска убов, поглаварот на нашата света Бугарска православна црква се моли за сите свои деца во Татковината и во странство, посакувајќи им добро здравје, долговечност и бериќет на нашиот сакан народ, пишува во соопштението на САС на БПЦ.

Бугарскиот патријарх беше хоспитализиран пред десет дена, со контрадикторни информации во јавноста за неговото здравје.