По повод Светскиот ден за борба против ракот, претседателот на Синодалниот оддел за црковна добротворност и социјално служење при Московската патријаршија, протојереј Михаил Потокин, го посети Националниот медицински истражувачки центар за детска хематологија, онкологија и имунологија „Дмитриј Рогачев“ во Москва. За време на посетата, тој се сретна со раководството на центарот и беа разгледани прашања поврзани со понатамошната соработка.
На средбата ѝ претходеше света Божествена литургија во храмот на светите маченици Вера, Надеж, Љубов и нивната мајка Софија, кој се наоѓа во рамките на медицинскиот центар. На богослужбата присуствуваа раководители, лекари и вработени во медицинскиот центар, деца кои се лекуваат таму, нивните родители, како и волонтери кои помагаат во детската болница.
По повод овој ден, во храмот беше донесена иконата на Пресвета Богородица „Исцелителка“, изработена во уметничко-реставраторските работилници на Даниловскиот манастир. По завршувањето на литургијата, бешеистакнато дека иконата „Исцелителка“ од дамнина е особено почитувана меѓу христијаните како помошничка при тешки болести. Беше потсетено дека минатата година РПЦ за првпат воведе посебни молитви за тешко болните деца и за укрепување на верата на нивните родители, кои се изговараат на секоја Божествена литургија во болничкиот храм.
Обраќајќи им се на вработените во медицинскиот центар, протојерејот Михаил Потокин ги цитираше зборовите на свети Јован Златоуст за трпеливото поднесување на болестите, истакнувајќи дека децата се најчистите и најсветлите души, и изрази благодарност за нивното пожртвувано служење и утехата што ја пренесуваат на сите кои страдаат.
Раководството на центарот ја претстави историјата и современата дејност на установата, при што беше нагласена важноста на духовната поддршка за болните деца, нивните родители, лекарите и целиот персонал
