Нов скопски саем во Бардовци, со хотели, ресторани и зелен појас, најави кандидатот за градоначалник на Скопје, од коалицијата „Искуство за успех“ Александар Трајановски. Трајановски, го претстави архитектонскиот концепт за нови катни гаражи и пензионерски дом.
Кандидатот за градоначалник на Аеродром, Дејан Лазаревски ветува чиста и уредна општина, без депонии, со бесплатни катни гаражи за жителите.
Од „Искуство за успех“ велат дека не ветуваат невозможни работи, туку труд, одговорност и резултати.
Инфраструктурни проекти во Општина Бутел, подобри услови во основните училишта, нови пешачки патеки и поддршка на микро и мали претпријатија се дел од проектите во програмата на коалицијата „Искуство за успех“.
Носителот на советничката листа Фитим Круези ветува залагање и за средување на имотно-правните односи во општината.
