Турскиот претседател Реџеп Таип Ердоган сигнализираше дека наскоро ќе се сретне со духовниот водач на 300 милиони православни христијани ширум светот за да разговараат за можното повторно отворање на клучното теолошко училиште во близина на Истанбул, кое е затворено повеќе од 50 години. Оваа најава доаѓа по средбата на Ердоган со американскиот претседател Донадл Трамп, на 26 септември. Овој разговор во Белата куќа разбуди нови надежи кај православните христијани за повторно отворање на прочуената теолошка семинарија „Халки“ во Истанбул, која повеќе од половина век останува затворена.
Ердоган најави дека наскоро ќе се сретне со Вселенскиот патријарх Вартоломеј за да разговараат за иднината на семинаријата.
-Подготвени сме да направиме сè што е потребно,“ истакна турскиот претседател по средбата со Трамп.
Архиепископот Елпидофор од Америка ја поздрави поддршката, нагласувајќи дека повторното отворање на „Халки“ би било силна потврда за почитување на верските права и слободи.
Патријарх Вартоломеј, пак, изрази оптимизам дека со завршување на потребните реновирања, семинаријата може повторно да ги прими првите студенти веќе следната година.
Семинаријата „Халки“, основана во 1844 година, била централна образовна институција за православното свештенство, но е затворена во 1971 година по одлука на турскиот уставен суд. Минатата година, турскиот министер за образование Јусуф Текен ја посети објектот и предложи мерки за негова обнова.
