Македонците во Австралија ја оцениле како историска одлуката на Синодот на МПЦ со која се одобрува регистрација на нова епархија во Австралија на чело со Владиката Тимотеј. Здружението на македонските заедници од Австралија оценува дека на овој начин се „крунисуваат 20-годишните напори да се заштитат самоуправните надлежности на локалните македонски православни заедници врз своите храмови и други имоти, а притоа да останат во духовно единство со Светиот Синод на Македонската православна црква, во согласност со взаемно прифатени правила и законите и регулативите кои важат за други непрофитни организации кои се регистрирани како правни лица во Австралија.
-На сите верници, активисти, свештеници и заедници кои во изминатите 20 години претрпеа невидени искушенија за да дојдеме до денешната Синодска одлука, вклучувајќи сурови клевети, клетви, анатеми, екскомуникации, расчинувања, закани, физички напади, суеверни заплашувања по семејствата, лажни сведочења и лажни црковни судења, монтирани скандали, мултимилионски граѓански тужби, оспорување на Света Причест, крштевки, венчавки и погреби …, им ја честитаме истрајноста и плодот на саможртвата. На членовите на Светиот Архиерејски Синод им се заблагодаруваме и им честитаме што конечно го излгасаа предлогот за регистрирање на Сиднејско-Австралиската Епархија на МПЦ и покрај неверојатните притисоци и јавни закани и уцени на владиката Петар дека ќе ги дискредитира со кобни обвинувања и ќе го руши Синодот ако тоа го сторат. Особена благодарност упатуваме до Митрополитот Дебарско-Кичевски г. Тимотеј, кој остана доследен на вистината од почетокот до крајот на нечесната хајка на Петар, стои во соопштението на Македонските заедници од Австралија, потпишано од Претседателот Игор Аврамовски Александров.
Тој потенцира дека денешната победа на вистината и правадата е апсолутна бидејќи синодската одлука е донесена едногласно, што значи дека и самиот Митрополит Петар гласал за она што 20 години тврдеше дека е антицрковн.
Со денешната одлука на САС на МПЦ прв пат во историјата ќе се случи Македонска православна епархија да стане правно лице во Австралија со одобрение на Синодот на МПЦ.
Poistoriska ce bese Odluka za razresuvanje od dolznosta episkop na MPC dosegasniot Petar Kareski, ama da ja donesoa, a se dodeka ne donesat takva odluka nema da ima nikakvi poznacajni promeni vo dejnosta na MPC. Ne se slucilo do sega , gazda zaradi pastir da menuva stado , tuku obratno, zaradi stado se menuva, otpusta pastir. Ne moze da se ima loso stado, tuku samo los pastir moze da se ima, bar tak e vo tradicijata na Hristijanstvoto Taka da i MPC, zaradi pastvata i nejzinoto dobro treba da se oslobodi od stetniot pastir , vladikata (pod navodnici) Petar, se dodeka stadoto ne se rasturi i pobara ,,drug pastir,, i drugo trlo,,