Вселенскиот Патријарх Вартоломеј го награди лидерот на ГЕРБ Бојко Борисов со највисокото признание на Вселенската Патријаршија – Крст на Света Богородица Преблажена. Двајцата се сретнаа во зградата на парламентот, а нивната средба беше пренесувана во живо на фејсбук профилот на Борисов.
На средбата присуствуваа и претседателката на парламентот Раја Назарјан и пратеници од парламентарната група на ГЕРБ-СДС.
„Во име на нашата партија, на нашата парламентарна група, на стотици илјади гласачи на ГЕРБ, со смирение, почит и поклонување го прифаќаме секој дар од црквата. Ние веруваме дека без Господ ништо не може да се направи. Најсмирено ќе продолжиме да помагаме според нашите сили на сите православни цркви“, изјави Борисов.
