Темата за посетата на папата Франциск на Русија во моментов не е на дневен ред, но ќе се одржи нова средба меѓу понтифот и патријархот Московски и на цела Русија Кирил , изјави митрополитот Иларион (Алфеев) , претседател на Одделот за надворешни црковни односи на Московската патријаршија, во интервју, кое беше објавено во понеделникот од весникот „Кориере дела Сера “.
-Мораме да разделиме две теми – средбата меѓу Папата и Патријархот и посетата на Папата Франциск на Русија. Што се однесува до посетата, го делам мислењето на (државниот секретар на Ватикан), кардиналот Паролин, денес нема услови за ова, и мислам дека не треба да наведам причини. за кои тоа во моментов е невозможено. И двете страни го знаат ова. Денес таквото патување не е на агендата на нашите билатерални односи. Сепак, ова не значи дека тие не треба да се развиваат “, рече шефот на руската црковна дипломатија.
Митрополитот Иларион, исто така, посочи дека непосредно пред одржувањето ќе биде објавена нова средба на двајцата верски водачи.
“Запомнете, состанокот во Хавана беше најавен за само една недела. Значи, кога ќе завршиме со подготовката на вториот состанок, ќе го објавиме една недела порано”, рече тој.
Во средата, папата Франциск го прими во Ватикан митрополит Иларион, кој беше во Италија на на средбата со верските лидери за климатските промени. Иларион пред новинарите потенцирал дека билатералните односи меѓу РПЦ и Римокатоличката црква “многу позитивно се развиваат”.
Историската средба помеѓу папата Франциск и патријархот Кирил се одржа на 12 февруари 2016 година во Хавана. Ова беше прва таква средба во историјата на првите луѓе на католичката и руската православна црква кои претходно со векови се немаа сретнато.
