Кардинал Рајнхард Маркс претседател на европските епископи и Германската епископска конференција го изрази своето сочувство за жртвите од атентатот и повика на единство по насилството на божиќниот саем во Берлин на 19 декември 2016 година.
-Длабоко ме шокираше веста од Берлин. Насилството направено на божиќниот пазар е спротивно на она што посетителите дошле да го бараат. Се сочувствувам со роднините на загинатите и ранетите. На сите ќе се сетам во своите молитви. Во овие тешки моменти за Берлин и за нашата земја важно е за нас да останеме исправени и обединети, рече кардинал Маркс.
