Верски календар: 14 Октомври
КАТОЛИЧКА ЦРКВА/ Св. Калист Први.
Не се знае точно кога е роден, постои верување дека бил роб. Кога се здобил со слобода, папата Зеферин го закалуѓерил, а по неговата смрт го заменил на папската столица како врховен поглавар на Црквата на Христос. Тој многу се борел против неверниците. Маченичката смрт ја поднел во 222 година, затоа што не сакал да се одрекне од вербата во Христос, како што се случило и со останатите христијани во времето на прогонството на Црквата (58-311). Христијаните му се молат поради разни тешкотии.
